LiG Oktober 2018

Lees in die Oktober-uitgawe van LiG ...

hoe die waarde van niksdoen ontdek word en dat dit ‘n Bybelse opdrag is.

Ons gesels ook met Nádine oor die liefde in haar lewe en Frank Rautenbach vertel oor die ander plan wat God vir sy loopbaan beplan het.

‘n Skrywer vertel hoe hy en sy 4-jarige seun deur die kerkgeskiedenis gereis het. En ‘n paartjie deel hulle storie van verlies, hoop en genade.

LiG ondersoek die humor in die Bybel, ons vra waarom Hooglied in die Bybel hoort en raak weer verwonderd oor God se genade wat nooit ophou nie.

Ons kyk na die waarde van skoolsport en hoe om die regte terapeut vir jou kind te kies.

LiG – vir jou en jou mense

2018.10

Om nog van LiG se puik Christelike inhoud te lees, besoek www.lig.co.za

LiG September 2018

Lees in die September-uitgawe van LiG ...

waar Pierre van Pletzen en Sandra Vaughn vertel dat God hulle anker is. Jo Black vertel ook van sy skip wat ingekom het, en Ivan Botha neem ons agter die kamera van sy nuwe fliek, Stroomop.

Hoe groei ‘n mens geestelik? Stephan Joubert gee drie waarhede wat gelowiges help. En kundiges gee wenke oor hoe om jou kind geestelik te help groei.

Lees ook die inspirasie-stories van ‘n Lupus-lyer wat eers kwaad was vir God, maar nou vir Hom getuig en ‘n ma van ‘n drieling wat vrou-alleen boer.

Ons gee raad as jy voel dat jy en jou huweliksmaat mekaar ontgroei het. En hoe gebare jou kind se ontwikkeling kan help.

LiG – vir jou en jou mense.

Volg ons op Facebook en Instagram by @ligtydskrif.

2018.09

LiG Augustus 2018

Lees in die Augustus-uitgawe van LiG …

hoe Tracey Lange ons lewe opvrolik! Ons vertel van ‘n vrou se rommelterapie na haar kinders se dood. En skryf ‘n huldeblyk aan Annalise Wiid, geliefde woordkunstenaar.

Agt vroue vertel hoe woorde die wêreld ‘n beter plek maak. En ons gee raad oor wanneer om stil te bly en wanneer om te praat as frustrasies jou huwelik tref.

Sukkel jy om te bid? Ons gee wenke uit Bybel. Lees ook die artikel oor hoe om ‘n betroubare Bybelvertaling te kies.

Vir ouers gee ons raad oor hoe om kinders sonder vrese groot te maak. En kundiges gee agt wenke om jou kind se woordeskat te ontwikkel – dis boustene vir sukses.

LiG – vir jou en jou mense.

Om nog van LiG se puik Christelike inhou te lees, besoek www.lig.co.za.

2018.08

LiG Julie 2018

Lees in die Julie-uitgawe van LiG ...

waar Erica Wessels vertel oor haar soek en vind van God.

Two Oceans-wenner, Gerda Steyn, vertel hoe sy verras was oor haar hardlooptalent. En twee jong argitekte deel hulle storie van gehoorsaamheid in die sendingwêreld.

Ons gee 35 maniere om gehalte-tyd met jou kind te spandeer hierdie vakansie. Kundiges gee ook raad as jou man aan pornografie verslaaf is.

Lees oor mense wat bergklim op soek na God – van Moses tot nou. En kry ons vier bid-bakens wanneer jy ‘n woestyntyd beleef.

Maak self ‘n knus mus vir jou koffiemaker (“plunger”)!

LiG – vir jou en jou mense.

Om nog van LiG se puik Christelike inhoud te lees, besoek www.lig.co.za

2018.07

LiG Junie 2018

Lees in die Junie-uitgawe van LiG ...

.......waar Nadine Blom vertel hoe sy besef het dat God lief is vir stukkende mense.

Skrywer en skilder, Carina Stander, vertel ook hoe haar ouers haar andersheid gevier het.

Ons leer oor wat die Bybel oor die hemel sê? En vind uit wat God ons oor pa-wees leer.

Ons gee ook raad as jou geliefde aan Alzheimersiekte ly. En gesels met 60-plussers wat die lewe aangryp en vier!

LiG gesels met kenners en ouers oor huiswerk op laerskool – is dit die moeite werd? Ons gee raad oor hoe om kreatiewe kinders groot te maak (hulle presteer beter!) en sien hoe #imagine jonges laat droom en dien.

Om nog van LiG se puik Christelike inhoud te lees, besoek www.lig.co.za

2018.06

LiG Mei 2018

Lees in die Mei-uitgawe van LiG ...

... waar Elizma Theron vertel hoe sy kies op om God se goedheid te fokus, ná die huisroof wat haar gesin moes deurmaak.

Ons dink aan Hemelvaart, en wys vyf beloftes uit waarom ons daaroor kan fees vier. Ons help jou ook om die Heilige Gees binne jou te ontdek.

Helena Hugo vertel dat haar skryfwerk haar bediening is. En ‘n sportdominee getuig hoe sokker en gehoorsaamheid die evangelie bring.

LiG praat met kenners oor hoe om jou kind te beskerm teen seksuele misbruik. Ons wys jou ook hoe om in jou kind ‘n diensbare hart te kweek.

Om nog van LiG se puik Christelike inhoud te lees, besoek www.lig.co.za 

2018.05

LiG April 2018

Die April-uitgawe van LiG vertel ...

Ons vier Paasfees in LiG se April-uitgawe! Lees hoe ons God se omgee by die kruis beleef, en hoe jy jou oorvloed in Jesus kan vind. Daar is ook 'n mooi krans wat jy met lap en knope kan maak.

Ons gesels met Rina Hugo oor haar loopbaan en haar huwelik van byna 50 jaar. En hoor Hykie Berg se inspirerende storie waar hy Jesus se liefde gesien en gevoel het.

Ons gee raad oor hoe om met jou kind oor geweld in die Bybel te praat, en wat jy kan doen om jou kind se geestelike gawes te ontdek.

Lees die verhaal van 'n vrou wat deur haar kuns genesing vind, en 'n gewone man wat die wêreld verander deur stories voor te lees.

Ons wonder ook oor genadedood, en wat ‘n gelowige daarvan moet dink.

2018.04

LiG Maart 2018

Lees in die Maart-uitgawe van LiG ...

In die Maart-LiG vloei ons harte oor van hoop! Ons ry saam op ‘n boeke-bus wat hoop vir kinders bring. En vertel van ‘n ouma wat deur haar seun se dood en haar eie kanker steeds sê: “God is goed!”

Hanna Grobler en Liza Brönner vertel dat hul vriendskap ‘n seën van God is. Predikant, Jaco Strydom, inspireer ons om te lééf soos ons glo.

Vir ouers is daar uitstekende raad oor hoe om vir jou kind ‘n emosionele woordeskat aan te leer; oor die verhouding tussen jou en jou kind se onderwyser; en hoe om jou tiener met jou te laat praat.

Ons ondersoek hoe om depressie by bejaardes te hanteer. En kyk wat God se idee met die huwelik is.

Lees ook van hoopgewers deur die geskiedenis, en van Jesus – ons “Lewende hoop”.

2018.03

LiG Februarie 2018

In LiG se Februarie-uitgawe straal ons van vreugde! Franja du Plessis vertel hoe sy haar sangloopbaan aan God se genade te danke het. Ons gesels met Zanne Stapelberg ná haar tyd van swaarkry.

Ons leer uit die Bybel hoe jy jou vreugde in die Here kan vind. En motiveer jou om ‘n kopskuif in 2018 te maak – jy kán jou gelukkig dink!

Ons gee raad aan ouers:

  • Probleme met maats – moet jy terugstaan of ingryp?
  • Hoe om ‘n gebroke tienerhart te troos
  • 12 gebede om vir jou kind te bid

LiG het ook heerlike resepte vir kos wat nou in seisoen is, en ’n pragtige hekelpatroon vir ’n vrolike kussing.

Maak ’n verskil! 1% van LiG se inteken-inkomste gaan aan projekte wat fokus op vroeëkinderontwikkeling. Teken nou in as gemeente by Hierdie e-posadres word van Spambotte beskerm. Jy moet JavaScript ontsper om dit te lees. en kry ook afslag.

2018.02

Soek

LiG Tydskrif

 Lees in LiG se Oktober-uitgawe

2018.10

Kerkbode

Lees in die Kerkbode van
21 September 2018

 2018.09.21